IN-NOTA

IN-NOTA

Fuq Nota  Żagħżugħa

L-Erbgħa filgħaxija, iċ-ċelebrazzjonijiet tal-Ġimgħa Ewropea għaż-Żgħażagħ komplew b’kunċert ta’  mużika klassika. Dan il-kunċert imsejjaħ ‘In-Nota’ ġie imtella’ fil-Music Room, tal-Kavallier ta’ San Ġakbu fil-Belt. L-Aġenzija Żgħażagħ tellgħet dan il-kunċert b’kollaborazzjoni mal-Iskola tal-Mużika Johann Strauss. Preżenti għal dan il-kunċert flimkien mal-Kap Eżekkutiv tal-Aġenzija Miriam Tuema, kien hemm id-Direttur tal-‘Life Long Learning’ Mario Azzopardi.

 Il-kunċert kien imżewwaq b’diversi siltiet mużikali bħal Caprice ta’ H. Dilio, Il Piccolo Bersagliere ta’ Billi u Ave Maria ta’ Carini. Dawn is-siltiet kienu interpretati tajjeb minn mużiċiti żgħażagħ. Il-kunċert beda bil-‘Clarinet Choir’ taħt id-direzzjoni tas-surmast Godfrey Mifsud u daqqew ħames siltiet.    Il-programm kompla b’siltiet fuq il-pjanu, is-saxophone u Cello Ensemble.

Wara l-kunċert ħadna ftit kummenti tal-miżiċisti żgħażagħ.

David, 21 sena, iħobb  jiekol l-għaġin

Idoqq ic-Cello

Qabel kien idoqq il-vjolin imma qaleb għaċ-ċello għax ried idoqq strument simili imma differenti

Jipprattika madwar 4 sigħat fil-ġimgħa

Strument ieħor li jdoqq hu l-vjolin

Ilu sentejn idoqq iċ-Cello, u tnax –il sena l-vjolin

Justine, 20 sena, Tħobb tiekol l-għaġin

Idoqq E Flat u B Flat Clarinet

Dejjem kient togħġobha l-banda u bdiet minn hemm

Tipprattika madwar siegħa kuljum

U bdiet tistudja dan l-istrument ta’ 8 snin

Godfrey Mifsud (Is-Surmast), 34, jiekol li titfagħlu fil-platt

Għalliem tal-Clarinet

Beda jdoqq il-kitarra

Student suppost jipprattika bejn siegħa u siegħa u nofs kuljum

Strument ieħor li jdoqq hu is-saxophone

Ilu 28 sena idoqq

Luca u Michael, 11 u 13-il sena, Luca jħobb il-pizza margerita u Michael il-lażanja

It-tnejn idoqqu l-Clarinet

Bdew idoqqu wara li marru kunċert

Jipprattikaw kuljum bejn nofs siegħa u tliet kwarti

Illhom 4 u 5 snin idoqqu

It-tnejn immorru jittrenjaw il-futbol ukoll.

Ma stajniex nagħlqu dan il-artiku mingħajr ma nieħdu kummenti mingħand l-udjenza li wara kull interpretazzjoni urew l-apprezzament tagħhom biċ-ċapċip.

Carmen qaltilna li ħadet pjaċir tisma’ l-interprazzjoni li taw il-mużiċisti. Meta staqsejniha jekk iddoqqx xi strument qaltilna li sar-radju tasal, imma tapprezza kull tip ta’ mużika, fil-fatt esprimiet li kull strument mużikali hu sabiħ.  Davinia matul il-kunċert laqatha l-ħoss taċ-Cello. Għalkemm ma ddoqqx tħobb tisma’ l-mużika u l-istrument favorit tagħha hu l-vjolin.